1

​​ພຣະເຈົ້າໄດ້ສະເດັດມາຢູ່ເທິງແຜ່ນດິນໂລກກັບມະນຸດເພື່ອສະແດງຄວາມຈິງຫຼາຍຢ່າງ.​

​​ຂ້ານ້ອຍຈຶ່ງບໍ່ສະແຫວງຫາໃນຄວາມເລື່ອນລອຍອີກຕໍ່ໄປ, ເພາະຂ້ານ້ອຍມີພຣະທຳຂອງພຣະເຈົ້າຊົງນຳພາຂ້ານ້ອຍ.​

​​ໃນແຕ່ລະມື້, ຂ້ານ້ອຍກິນ ແລະ ດື່ມພຣະທຳຂອງພຣະເຈົ້າ ແລະ ດຳລົງຊີວິດຢູ່ຕໍ່ໜ້າພຣະເຈົ້າ;

ພຣະວິນຍານບໍລິສຸດກໍໃຫ້ຄວາມສະຫວ່າງ ແລະ ໃຫ້ແສງເຍືອງທາງແກ່ຂ້ານ້ອຍ.​

​​ຂ້ານ້ອຍເຂົ້າໃຈຄວາມຈິງໄດ້ແຈ່ມແຈ້ງຍິ່ງຂຶ້ນ ແລະ ຊີວິດຂອງຂ້ານ້ອຍກໍກ້າວໜ້າຂຶ້ນທຸກໆວັນ.​

​​ພຣະທຳຂອງພຣະເຈົ້າເປີດໂປງຄວາມຈິງກ່ຽວກັບຄວາມເສື່ອມຊາມຂອງມະນຸດຢ່າງຄົບຖ້ວນ,

ເຮັດໃຫ້ທຸກຄົນຍອມຮັບຢ່າງສິ້ນເຊີງ.​

​​ຜ່ານການພິພາກສາຈາກພຣະທຳຂອງພຣະເຈົ້າ ແລະ ທົນທຸກກັບການລອງໃຈຫຼາຍຄັ້ງ,

ອຸປະນິໄສທີ່ເສື່ອມຊາມຂອງຂ້ານ້ອຍກໍຖືກຊຳລະລ້າງ.​

​​ເມື່ອໄດ້ຊື່ນຊົມກັບຄວາມອຸດົມສົມບູນແຫ່ງພຣະທຳຂອງພຣະເຈົ້າ, ຂ້ານ້ອຍກໍໄດ້ຮັບຫຼາຍແທ້ໆ.​

​​ເມື່ອໄດ້ເຫັນເຖິງຄວາມຊອບທຳ ແລະ ຄວາມບໍລິສຸດແຫ່ງອຸປະນິໄສຂອງພຣະເຈົ້າ,

ຂ້ານ້ອຍກໍຢຳເກງພຣະເຈົ້າ ແລະ ເທິດທູນພຣະອົງ.​

ພຣະທຳຂອງພຣະເຈົ້າລ້ວນແຕ່ເປັນຄວາມຈິງ​.​

2

​​ການອ່ານພຣະທຳຂອງພຣະເຈົ້າເຮັດໃຫ້ຂ້ານ້ອຍເຂົ້າໃຈຄວາມຈິງ

ແລະ ກ້າວຂ້າມຂໍ້ຈຳກັດຂອງເນື້ອໜັງ.​

ເມື່ອສະແຫວງຫາຄວາມຈິງ ແລະ ອ່ອນນ້ອມຕໍ່ພຣະເຈົ້າໃນຂະນະທີ່ປະຕິບັດໜ້າທີ່ຂອງຂ້ານ້ອຍ,

ຂ້ານ້ອຍກໍໃຊ້ຊີວິດທີ່ເປັນເໝືອນມະນຸດຂອງຄົນຊື່ສັດ.

​​ຂ້ານ້ອຍເຂົ້າໃຈຄວາມຈິງ ແລະ ຖອດຖິ້ມອຸປະນິໄສທີ່ເສື່ອມຊາມຂອງຕົນ;

ຄວາມຈິງແຫ່ງພຣະທຳຂອງພຣະເຈົ້ານັ້ນລ້ຳຄ່າຫຼາຍ.​

​​ເມື່ອປະຕິບັດຕາມພຣະທຳຂອງພຣະເຈົ້າ, ຂ້ານ້ອຍກໍໄດ້ຮັບຄວາມຈິງ ແລະ ຊີວິດ

ແລະ ຫົວໃຈຂອງຂ້ານ້ອຍກໍບໍ່ປາຖະໜາສິ່ງໃດອີກແລ້ວ.​

​​ເມື່ອໄດ້ເຫັນວ່າຄວາມຮັກຂອງພຣະເຈົ້ານັ້ນຍິ່ງໃຫຍ່ ແລະ ແທ້ຈິງພຽງໃດ,

ຂ້ານ້ອຍກໍຍິນດີມອບຫົວໃຈທີ່ແທ້ຈິງຂອງຕົນໃຫ້ແກ່ພຣະເຈົ້າ.​

​​ບໍ່ວ່າເສັ້ນທາງຂ້າງໜ້າຈະລຳບາກ ແລະ ຂຸຂະພຽງໃດ,

ຂ້ານ້ອຍກໍຈະຕິດຕາມພຣະເຈົ້າດ້ວຍຄວາມເຊື່ອອັນສູງສຸດ.​

​​ຂ້ານ້ອຍໄລ່ຕາມທີ່ຈະຮັກພຣະເຈົ້າ, ຢຳເກງພຣະເຈົ້າ ແລະ ຫຼີກລ່ຽງຄວາມຊົ່ວຮ້າຍ;

ເສັ້ນທາງຂ້າງໜ້າກໍຈະສົດໃສຍິ່ງຂຶ້ນເລື້ອຍໆ.​

​​ຂ້ານ້ອຍຈະຕິດຕາມພຣະຄຣິສຈົນເຖິງທີ່ສຸດ ແລະ ທຸ້ມເທສຸດຄວາມຈົງຮັກພັກດີຂອງຕົນ

ເພື່ອຕ້ອນຮັບການປາກົດຂອງພຣະພັກທີ່ຍິ້ມແຍ້ມຂອງພຣະເຈົ້າ.​

ພຣະທຳຂອງພຣະເຈົ້າລ້ວນແຕ່ເປັນຄວາມຈິງ​.​

(ຕິດຕາມພຣະເມສານ້ອຍ ແລະ ຮ້ອງເພງໃໝ່)