1

ກະສັດທີ່ມີໄຊຊະນະນັ່ງຢູ່ເທິງບັນລັງອັນສະຫງ່າລາສີຂອງພຣະອົງ. ພຣະອົງໄດ້ສຳເລັດການໄຖ່ບາບ ແລະ ນໍາພາປະຊາຊົນທຸກຄົນຂອງພຣະອົງໃຫ້ປາກົດໃນສະຫງ່າລາສີ. ພຣະອົງຈັບທຸກສິ່ງໄວ້ໃນມືຂອງພຣະອົງ ແລະ ດ້ວຍສະຕິປັນຍາ ແລະ ລິດທານຸພາບອັນສັກສິດຂອງພຣະອົງ, ພຣະອົງໄດ້ສ້າງ ແລະ ເຮັດໃຫ້ຊີໂອນໝັ້ນຄົງ. ດ້ວຍຄວາມສະຫງ່າຜ່າເຜີຍຂອງພຣະອົງ, ພຣະອົງພິພາກສາໂລກທີ່ຜິດບາບ; ພຣະອົງໄດ້ພິພາກສາຊົນຊາດ ແລະ ຜູ້ຄົນຈຳນວນນັບບໍ່ຖ້ວນ, ແຜ່ນດິນໂລກ ແລະ ທະເລ ແລະ ທຸກສິ່ງທີ່ມີຊີວິດໃນນັ້ນ, ພ້ອມທັງຜູ້ຄົນທີ່ເມົາເຫຼົ້າແວງແຫ່ງຄວາມສໍາສ່ອນ. ພຣະເຈົ້າຈະພິພາກສາສິ່ງເຫຼົ່ານັ້ນຢ່າງແນ່ນອນ.

2

ພຣະອົງຈະພິໂລດກັບພວກເຂົາຢ່າງແນ່ນອນ ແລະ ດ້ວຍເຫດນີ້ ຄວາມສະຫງ່າຜ່າເຜີຍຂອງພຣະເຈົ້າກໍຈະຖືກເປີດເຜີຍ ເຊິ່ງການພິພາກສາຂອງພຣະອົງເກີດຂຶ້ນໃນທັນທີ ແລະ ດໍາເນີນການໂດຍບໍ່ຊັກຊ້າ. ໄຟແຫ່ງຄວາມໂກດຮ້າຍຂອງພຣະອົງຈະເຜົາໄໝ້ຄວາມຜິດບາບທີ່ຮ້າຍແຮງຂອງພວກເຂົາຢ່າງແນ່ນອນ ແລະ ຄວາມຫາຍະນະຈະເກີດຂຶ້ນກັບພວກເຂົາໄດ້ທຸກເມື່ອ; ພວກເຂົາຈະບໍ່ມີຫົນທາງຫຼົບໜີ ແລະ ບໍ່ມີບ່ອນໃຫ້ລີ້, ພວກເຂົາຈະຮ້ອງໄຫ້ ແລະ ກັດແຂ້ວຂອງພວກເຂົາ ແລະ ພວກເຂົາຈະນໍາຄວາມພິນາດມາສູ່ຕົນເອງ. ບັນດາບຸດຊາຍທີ່ມີໄຊຊະນະ, ຜູ້ເປັນທີ່ຮັກຂອງພຣະເຈົ້າຈະຢູ່ໃນຊີໂອນຢ່າງແນ່ນອນ, ບໍ່ເຄີຍອອກຈາກມັນ. ຜູ້ຄົນຈໍານວນມະຫາສານຈະຟັງສຽງຂອງພຣະອົງຢ່າງຕັ້ງໃຈ, ພວກເຂົາຈະເອົາໃຈໃສ່ກັບການກະທຳຂອງພຣະອົງຢ່າງລະມັດລະວັງ ແລະ ສຽງແຫ່ງການສັນລະເສີນຂອງພວກເຂົາບໍ່ເຄີຍຢຸດເຊົາ.

(ພຣະທຳ, ເຫຼັ້ມທີ 1. ການປາກົດຕົວ ແລະ ພາລະກິດຂອງພຣະເຈົ້າ. ພຣະຄຳຂອງພຣະຄຣິດໃນຕົ້ນເດີມ, ບົດທີ 3)