ໂອ ພຣະຜູ້ເປັນເຈົ້າ, ຄຣິດຕະຈັກໄດ້ກາຍເປັນສິ່ງທີ່ໂດດດ່ຽວ.

ໂອ ພຣະຜູ້ເປັນເຈົ້າ, ພຣະອົງຢູ່ທີ່ໃດ?

ດວງເດືອນຄືບຄານສູ່ຍອດຕົ້ນໄມ້,

ແສງສະຫວ່າງຂອງມັນງົດງາມ, ຄືກັບຜູ້ເປັນທີ່ຮັກຂອງຂ້ານ້ອຍ.

ຜູ້ເປັນທີ່ຮັກຂອງຂ້ານ້ອຍ, ພຣະອົງຢູ່ທີ່ໃດ?

ພຣະອົງໄດ້ຍິນຂ້ານ້ອຍຮ້ອງໄຫ້ບໍ?

ແມ່ນໃຜອີກທີ່ຈະມອບຄວາມຮັກໃຫ້ກັບຂ້ານ້ອຍ ນອກຈາກພຣະອົງ?

ແມ່ນໃຜທີ່ຈະສົນໃຈຂ້ານ້ອຍ ນອກຈາກພຣະອົງ?

ແມ່ນໃຜທີ່ຈະດູແລຂ້ານ້ອຍ ນອກຈາກພຣະອົງ?

ແມ່ນໃຜທີ່ຈະຖະໜອມຊີວິດຂອງຂ້ານ້ອຍ ນອກຈາກພຣະອົງ?

ດວງເດືອນ, ອີກບໍ່ດົນກໍກັບຄືນສູ່ອີກສົ້ນໜຶ່ງທີ່ແສນໄກຂອງສະຫວັນ.

ຢ່າເຮັດໃຫ້ຜູ້ເປັນທີ່ຮັກຂອງຂ້ານ້ອຍກັງວົນເລີຍ.

ກະລຸນາສະແດງຄວາມຄິດຂອງຂ້ານ້ອຍໃຫ້ພຣະອົງຮັບຮູ້ດ້ວຍເທີ້ນ.

ຢ່າລືມທີ່ຈະເອົາຄວາມຮັກຂອງຂ້ານ້ອຍໄປກັບພຣະອົງເລີຍ.

ຫ່ານປ່າບິນໄປໄກແສນໄກ, ຄູ່ແລ້ວຄູ່ເລົ່າ

ພວກມັນສາມາດນໍາຂ່າວຄາວຂອງຜູ້ເປັນທີ່ຮັກຂອງຂ້ານ້ອຍກັບມາໄດ້ບໍ?

ຫ່ານປ່າເອີຍ, ຂໍໃຫ້ຂ້ານ້ອຍຢືມປີກຂອງເຈົ້າດ້ວຍເທີ້ນ,

ເພື່ອຂ້ານ້ອຍຈະບິນກັບຄືນສູ່ບ້ານທີ່ອົບອຸ່ນຂອງຂ້ານ້ອຍ.

ຂ້ານ້ອຍຈະຕອບແທນຄວາມຫ່ວງໄຍ

ເຊິ່ງຜູ້ເປັນທີ່ຮັກຂອງຂ້ານ້ອຍໄດ້ສຳແດງແກ່ຂ້ານ້ອຍ,

ແລະ ບອກຜູ້ເປັນທີ່ຮັກຂອງຂ້ານ້ອຍບໍ່ໃຫ້ກັງວົນອີກຕໍ່ໄປ.

ຂ້ານ້ອຍຕ້ອງການທີ່ຈະມອບຄຳຕອບທີ່ຊື່ນຊົມຍິນດີໃຫ້ກັບພຣະອົງ

ແລະ ບໍ່ເຮັດໃຫ້ລາຄາທີ່ພຣະອົງຊົງຊໍາລະນັ້ນສູນເສຍເປົ່າ.

ຂ້ານ້ອຍຕ້ອງການທີ່ຈະເຕີບໃຫຍ່ຢ່າງໄວວາ

ແລະ ປະຖິ້ມຊີວິດແຫ່ງຄວາມເຈັບປວດທີ່ເລື່ອນລອຍໄປມານີ້.

ໂອ ຜູ້ເປັນທີ່ຮັກຂອງຂ້ານ້ອຍເອີຍ, ກະລຸນາລໍຖ້າຂ້ານ້ອຍດ້ວຍເທີ້ນ.

ຂ້ານ້ອຍຈະບິນໄປຈາກຄວາມຮັ່ງມີທາງໂລກ.

ຂ້ານ້ອຍຈະຕອບແທນຄວາມຫ່ວງໄຍ

ເຊິ່ງຜູ້ເປັນທີ່ຮັກຂອງຂ້ານ້ອຍໄດ້ສຳແດງແກ່ຂ້ານ້ອຍ,

ແລະ ບອກຜູ້ເປັນທີ່ຮັກຂອງຂ້ານ້ອຍບໍ່ໃຫ້ກັງວົນອີກຕໍ່ໄປ.

ຂ້ານ້ອຍຕ້ອງການທີ່ຈະມອບຄຳຕອບທີ່ຊື່ນຊົມຍິນດີໃຫ້ກັບພຣະອົງ

ແລະ ບໍ່ເຮັດໃຫ້ລາຄາທີ່ພຣະອົງຊົງຊໍາລະນັ້ນສູນເສຍເປົ່າ.

ແລະ ບໍ່ເຮັດໃຫ້ລາຄາທີ່ພຣະອົງຊົງຊໍາລະນັ້ນສູນເສຍເປົ່າ.

ຈາກໜັງສື ຕິດຕາມພຣະເມສານ້ອຍ ແລະ ຮ້ອງເພງໃໝ່